Rufuleto

Iam vivis hundido. Oni nomis ĝin Rufuleto, ĉar ĝi estis rufa. Ĝia patrino nomiĝis Lessi. Rufuleto tre similis al Lessi. Iliaj mastroj estis Nadja kaj ŝia patrino.

Iun tagon Nadja decidis donaci Rufuleton al sia amikino, okaze de ties naskiĝ-tago. Kaj sabate, kunpreninte la hundidon Nadja ekiris al la naskiĝtaga festo. Ricevinte la donacon, la amikino estis tre feliĉa.

Dum la tuta festo Rufuleto estis tre gaja, tamen mankis al ĝi la patrino. Post kiam la gastoj foriris, la hundido ekenuis pro la foresto de panjo kaj la mola liteto. Ankaŭ Lessi enuis pro la manko de sia ideto.

Pasis unu monato. Iun tagon Nadja kun la patrino ekiris al la patrino de la amikino okaze de ties naskiĝtago kaj donacis al ŝi Lessi-on. Dum la festo okazis miraklo – Lessi denove kunestis kun sia fileto. Ĉiuj estis feliĉaj.

Verkis kaj desegnis: Katja Ŝklajajeva, 9-jara (Iĵevsk), Rusio

rufa: ruĝe flava